********************
ဆီးချိုသွေးချိုဆိုတာ ကမ္ဘာနှင့်အဝှမ်းမှာ အဖြစ်များဆုံး ရောဂါတစ်ခုလည်းဖြစ်ပါတယ်။ ဆီးချိုရောဂါကြောင့် သွေးအတွင်းရှိ သကြားဓာတ်များမြင့်မားပြီးတော့ ဦးနှောက်၊ နှလုံး၊ အာရုံကြောနှင့် မျက်လုံး၊ ကျောက်ကပ်တို့ကို ထိခိုက်စေလာနိုင်ပါတယ်။
ဒါ့ကြောင့် ဆီးချိုနဲ့ပက်သက်တဲ့ရောဂါများကို ကာကွယ်နိုင်ဖို့နည်းလမ်းကောင်းများကို မဟာစံရဲ့ မိတ်ဆွေတို့အတွက် ဝေမျှပေးလိုက်ပါတယ်။
(၁) လေ့ကျင့်ခန်းပုံမှန်ပြုလုပ်ပေးပါကိုယ်လက်လှုပ်ရှားမှုပုံမှန်ပြုလုပ်ပေးခြင်းသည် ဆီးချိုရောဂါကို ထိန်းသိမ်းကာကွယ်ရန်အတွက် အကောင်းဆုံးနည်းလမ်းတွေထဲက တစ်ခုလည်းဖြစ်ပါတယ်။ တစ်ရက်ကို နာရီဝက်ခန့် ကိုယ်လက်လှုပ်ရှားမှု ပြုလုပ်ပေးခြင်းအားဖြင့် သွေးပေါင်ချိန်ကို မှန်ကန်စေပြီး ကြွက်သားများ၏ အင်ဆူလင်ထုတ်လုပ်မှုကို ထောက်ပံ့ပေးနိုင်မှာပဲ ဖြစ်ပါတယ်။
(၂) ကျန်းမာရေးနှင့်ညီညွတ်သောအစားအစာများကိုစားပေးခြင်းဟင်းသီးဟင်းရွက်များနှင့် အစေ့အဆန်များမှ ရရှိတဲ့ ကောင်းသောအဆီများသည် ကြွက်သားအတွင်းရှိ အင်ဆူလင်လက်ခံဆဲလ်များမှ သကြားဓာတ်များကို လက်ခံနိုင်မှု တိုးပွားစေတာကြောင့် ဆီးချိုရောဂါကို ကာကွယ်နိုင်ပါတယ်။ သွေးတွင်းသကြားဓာတ်နှင့် အင်ဆူလင်ဓာတ်မြင့်မားစေသော အစားအစားများကို ရှောင်ပါ။
(၃) အဝမလွန်စေရန်ကိုယ်အလေးချိန်ကိုထိန်းသိမ်းပါအဝလွန်ခြင်းကလည်း ဆီးချိုဖြစ်စေနိုင်ဖို့ အဓိကအကြောင်းအရင်းတစ်ရပ်လဲ ဖြစ်ပါတယ်။ အာဟာရမျှတသော အစားအစာများကိုစားပေးခြင်းနှင့် လေ့ကျင့်ခန်းပုံမှန်ပြုလုပ်ပေးခြင်းက ဆီးချိုရောဂါကို ကာကွယ်ရန်အကောင်းဆုံး နည်းလမ်းတစ်ခုလည်း ဖြစ်ပါတဘ်။ ဒါ့ကြောင့်ကျန်းမာသော ကိုယ်အလေးချိန်ရှိဖို့ကလည်း ဆီးချိုရောဂါဖြစ်နိုင်ချေကို ကာကွယ်ရန် နည်းလမ်းတစ်ခုလည်း ဖြစ်ပါတယ်။
(၄) ဆေးလိပ်သောက်ခြင်းကိုရှောင်ပါဆေးလိပ်သောက်ခြင်းကြောင့်လည်း ဆီးချိုရောဂါဖြစ်နိုင်ချေရှိပါတယ်။ ဆီးချိုရောဂါရှိတဲ့သူ ဆေးလိပ်သောက်မယ်ဆိုရင်တော့ ရောဂါရဲ့ နောက်ဆက်တွဲ ဆိုးကျိုးတွေ ဖြစ်နိုင်ချေ များပါတယ်။ ဆီးချိုရောဂါအခံရှိသူများအနေဖြင့် ဆေးလိပ်သောက်ရင် နှလုံးနှင့်ကျောက်ကပ်ရောဂါများဖြစ်နိုင်ခြင်း၊ ခြေထောက်နှင့် ခြေချောင်းများတွင် သွေးလျှောက်နိုင်ချေနည်းခြင်း၊ ဆီးချိုရောဂါကြောင့် မျက်စိမှုန်ခြင်း၊ ခြေလက်ထုံကျင်ခြင်း စတဲ့အကျိုးဆက်တွေ ဖြစ်နိုင်ပါတယ်။
(၅) ပုံမှန်ကျန်းမာရေးစစ်ဆေးပေးပါမိမိမှာ ဆီးချိုနှင့်ပက်သက်ပြီး ရောဂါဖြစ်ပြီဆိုလျှင် ပုံမှန်ကျန်းမာရေး စစ်ဆေးပါ။
ဒီလိုအချက်တွေကို ဂရုတစိုက်လိုက်နာခြင်းအားဖြင့်လည်း ဆီးချိုရောဂါကို ကာကွယ်နိုင်ပါတယ်။